Maak handsakke en leerskoene met suiwer Dettol skoon. Donelle Macbean, Mosselbaai
Om oondvaste glasbakke se brandmerke te verwyder, spuit oven cleaner oor warm glasbak, laat staan ’n rukkie en was af. Alfrieda Cloete, Kleinzee
Verwyder vetkolle op klere met enige haar-shampoo. Smeer shampoo aan en spoel met warm water af. Cecelia Jeftha, Strand
Raad om kunstande skoon en kiemvry te hou: Gebruik Sunlight Liquid-opwasmiddel in plek van tandepasta. Probeer dit werk. Joaline Haupt, Belhar
Gebruik Sh’zen-voetpoeier om rou wonde onder die borste en maagrolle weer gesond te kry. Die poeier verlig ook die pyn. Felicia Weitz, Athlone
Vir duiwe en voëls op jou dak, sit rubberslange waar hulle nes maak, dit werk. Maureen Minnie, Uitenhage
Sit ’n bayleaf (lourierblaar) in jou meelblikke en ander houers om miet uit te hou. Leona September, Mosselbaai
’n Las met honde wat jou vullisdrom of -sakke omgooi of skeur of honde wat hul ding kom doen op jou gras? Plaas fyngemaalde motbolle rondom die drom of strooi op gras. Hulle haat die reuk. Anoniem
Vir baba se brandboude: Maak rooibostee sonder suiker en melk en laat dit afkoel. Gooi die tee in ’n kom en sit bababoude daarin. Jy kan dit ook baba se boude daarmee skoonmaak – doop ’n watte in die tee. Dit trek die brand uit. Margie Döman, Garies
Vir hande wat jeuk, maak ’n oplossing van growwesout en warm water. Sit jou hande in die soutwater, droog af en smeer Lennons se rooilaventel aan. Natesha Engelbrecht, Maitland
Om krae van kledingstukke maklik skoon te kry, smeer haarsjampoe aan en vryf liggies. Was soos gewoonlik. Sjampoe los die liggaamsolie op. Joane Craigton, Port Elizabeth
Ekseem: Gebruik Sunlight-seeppoeier en StaSoft vir die was van klere. Ellmarie de Bruyn, Vereeniging
Om te help dat kleure en patrone van nuwe T-hemde langer hou en nie gou verbleik nie, was die hemp in ’n sterk soutoplossing. Leona September, Mosselbaai
Vir suede of enige swart skoene kan jy furniture polish i.p.v. shoe polish gebruik. Meliska Josephs, Mitchells Plain
Gooi Maq-waspoeier en water in kastrol en kook vir 10 minute, glo my dit werk, die swartgebrande vlekke is los. Enid, Parow
Gebruik matsjampoe om kolle van matrasse te verwyder. Leona September, Mosselbaai
As jy jou hare relax, meng die relaxer met conditioner. Dit sal verhoed dat jou kopvel brand. Zymmonia Boesak, Ravensmead
Vir geel tande: Maak ’n pasta van koeksoda en waterstofperoksied. Borsel tande daarmee, maar moenie op gums gebruik nie. Dit werk soos ’n bom. Judy, Stellenridge
Wintervoete en -hande: Meng ’n klein bottel Campher cream met 4 Grandpa-poeiers. Maureen, Kraaifontein
Om seafood paella meer te maak, smoor Hawaiian stirfry van McCain tot halfgaar en smoor dan paella by. Dit lyk aantreklik en smaak heerlik. Daleen Dolmacht, Malmesbury
Vis wat vassit aan braairooster: Spuit die rooster met Spray ’n Cook. Jy sal sien, daar sal nie n stukkie vis aan die rooster sit nie. Jy hoef nie dit in alluminiumfoelie toe te draai nie. C. Joshua
Gebruik Lennon’s se Handyblok vir skurwe hande en voete enook vir gejeuk. Die byewas beskerm die hande. Elizabeth van Rooyen, Middelburg
Vir puisies in gesig: Maak 1 kamferblokkie fyn en meng met 100 ml pure eau de cologne. Was gesig en smeer dan aan met kapok. Hoef nie af te spoel nie. J. Masters, Ruyterwacht
Kook groenertjies met doppe en al, in die kookproses sal die doppe self oopbars. Annitta Pieters, Wartburg
Om ’n fles of bottel se doppie maklik af te kry, moet jy die doppie in baie warm water doop vir ’n paar sekondes. Draai dan oop. Ann Kondow, Eersterivier
Om sigaretrook uit huis te kry, steek ’n kers aan in die vertrek. Engela Moller, Kuruman
Om jou das weer mooi skoon te kry, neem bensien en gooi dit in ’n mayonnaise-bottel. Gooi das daarin en skud goed. Hang op. Dit sal nie ’n reuk afgee nie en die vorm van die das behou. Beverley Human, Port Elizabeth
Vir kolle onder arms: Smeer dik boereseep aan bloese onder arms en laat oornag in warm water week. M. Newman, Bedasdorp
Om ’n besem skoon te hou, gebruik die broekiegedeelte van ’n sykous, druk die besem daarin en haal die sykous net weer af nadat jy klaar gevee is. Die besem is nog steeds skoon. Linette, Atlantis
Vir stink voete, week die voete in sterk swart tee vir 15 min. Doen dit vir 10 dae en daarna soos nodig. Christel Botha, Koster
As jy hare kleur, smeer Vaseline onder haarlyn en ore en die haarkleur sal nie die vel kleur nie en maklik afwas. A. Jordaan, Brakpan
Vir vlekke in gesig, gebruik elke dag 100 SPF Photoderm Max Bioderma, te kry by apteek en smeer saans bietjie Bio-Oil aan, dit werk. Beverley Smit, Mosselbaai
Om kalk van ketel se element af te kry, gooi ’n halwe koppie witasyn by water tot element toe is en laat dit kook. Die kalk is weg. Spoel uit en gebruik. Geen gevaar van chemicals nie, veral wanneer jy gou weer die ketel moet gebruik. Melanie Afrika, De Aar
Gebruik sterk warm water met Sunliht Liquid en tartaric acid vir al jou koper in die huis en nie Brasso nie. Dit werk. Minnie Dodd, Bloemfontein
Vir onkruid op bakstene en tussen-in, gooi witasyn daarop, dit maak die onkruid dood. Helena Viljoen, Boksburg
Om olie van paving af te kry: Gebruik degreaser/engine cleaner. Dit werkook vir taai ou olie op engine en op jou stoof. F. J. Phillips, Odendaalsrus
Motorolie en ratkasolie kan uitgehaal word met verdunde swembadsuur. Anna Pheiffer, Despatch
Hond wat jeuk of sy hare verloor (oop haarlose vlekke): Meng Camphor Cream en blom van swael. Smeer gereeld aan. L. Dumbrell, Strand
Vir honde met jeukerige vel: Ek was my honde gereeld met groen Sunlight-seep (die koekie0. E. Brits, Frankfort
Gebruik die growwe gedeelte van ’n opwasspons om lint van klere ens. te verwyder. Poppie Fowler, PE
Om urienreuk uit matras te kry, gooi Vodka op, vryf droog. Christel Botha, Koster
Om motorolie van paving af te verwyder, gooi waspoeier net so droog daarop. Trap dit goed vas en los dit. Dit absorbeer die olie. M. De Jager, Bloemfontein
Raad vir droë keel: Meng 2 eetlepels olie, 2 eetlepels asyn en 2 eetlepels suiker saam. Drink 2 eetlepels van die mengsel en weg is die droë keel. Jennifer, Gauteng
Droë keel as jy slaap? Smeer Vicks aan keel voor jy gaan slaap. Esme Joseph, Kraaifontein
Vir stink voete, week die voete in warm water waarby 1 koppie Vodka gevoeg is. Christel Botha, Koster
Ek het raad vir voete wat stink. Dit werk ook a sreukweerder. Gebruik ’n leë 100 g Mum-potjie, vul dit met zinc-salf en voeg boric acid-poeier en ’n knippie koeksoda by. Meng goed en smeer elke dag aan voete of onder arms. Marie Brits, Pretoria
Vir matte wat sink van diere, gooi koeksoda op en laat vir so 20 minute staan. Stofsuig dit dan. Dit neutraliseer reuke en vat sommer ook kolle weg. S. Jonck, Polokwane